Der Sume-Orden

Das Sume-Lied

En Sume vun Alt-Heidelberg
Den find’sch in jeder Gass,
Un wenn mer zu mir Sume secht,
Macht mir des immer Schpass.
Der Nekker iss mei Jagdrevier
Dort bei de alte Brick,
Do ankert a mei Binseboot
An Vadders langem Schtrick.

Ich bin en Sume vum alde Nekker,
Voll Lumperei de ganze Wicht,
E grossi Worscht, en Weck vum Becker,
Des isch un bleibt mei Leibgericht.
| :  Die Aache hell mit Sunneschei,
So muß en Nekkerschleimer sei.  : |

Was guggt ihr dann, ihr liewe Leit?
Was bringt eich aus de Ruh?
Weil ich do mit meim Dascheduch
Mol Sume fange dhu.
Un fall ich in de Nekker nei,
Macht mir des gar nix aus,
Do schwimm ich zu meim Binseboot
Un grawwel widder raus.

Ich bin en Sume vum alde Nekker… (Refrain)

Kumm ich dann zu de Mudder heem
Ganz bitsche-batsche nass,
Do wird des arme Weiwele
Vor Schrecke leicheblaß.
Hab erscht vum Vadder ich mei Hibb,
Iss alles widder gut,
Weil so en Nekerschleimer halt
Nit unnergehe dhut.

Ich bin en Sume vum alde Nekker… (Refrain)

Un wenn der Raach is aus de Schtubb,
Gugg ich zum Vadder hie,
Do schmunzelt er schtill in sich nei,
So glicklich wie noch nie;
Ich glaab, dass e Erinnerung
Do an sei Herzel klingt.
Es kann jo a net annerscht sei,
Weil er dann immer singt:

Ich war en Sume vum alde Nekker,
Voll Lumperei de ganze Wicht.
E grossi Worscht, en Weck vum Becker,
Des war un bleibt mei Leibgericht.
| :  Dazu jetzt noch e Vertel Wei,
So muß en Nekkerschleimer sei.  : |

Sume… Was..?

Das Heidelberger Sume-Lied widmete einer der letzten großen Heidelberger Mundartdichter, Oskar Rauscher, im Jahr 1973 der Heidelberger Jugend.

Sein »Heidelberger Sume-Lied« handelt von einem sogenannten »Sumen«, also von einem Bub der Heidelberger Altstadtgassen, der weiß, wo er hingehört, der die sonnigen Tage froh genießt und bei Regenwetter den Kopf einzieht, stets in dem Bewusstsein, dass die Sonne ohnehin wieder strahlen wird.
Sein »Abenteuer-Spielplatz« ist der Neckar und dessen Ufergebiet.